SCE'TATE! (Svegliati)

Ma che razza d' epoca è mai chesta.
L'ommo s'è perduto all'egoismo,
se mette paura d''o Ddìo sujo,
struppeo 'o straniero e 'o chiamma eroismo,
arrobba 'ncoppa 'a famma 'e ll'ate
e se sente pataterno mièzo 'a ggente,
l'ammore è 'nu cunzùmo senza sentimento,
so' ccose strumentale, so' stupro,
e po' se va dicènne c''a colpe è d''e' fetiente
e nun se rende cunto ca isso è 'a ggente.
Allucca:  Affunnate 'e barche,
schiaffatele 'ngalera, 'e gialle 'e nire 'e marrucchine,
so' chille 'e guaie nuòste, so' 'e clandestine.
Se 'nzerra dint''a casa pe' campa' sicuro,
'o vicino è 'nu nemico, nun salute pe' paura.
se fa strunzià d''o benessere virtuale
ma int''a sustanza avverte ca stà male.
'A colpa è d''e nemice d''o patrono
e l'ommo cade facile cumme 'nu cogliono.
Scètate! si vuò bbene 'e figli tuoije,
'stu suonno te porta int''a ruvina, int''a nullità.
Piglia cuscienza, si ommo , he a tene' 'a dignità
sul' accussì , overo fai parte 'e ll'umanità.