napule

Int'a chiavica t'a vònne jettà chesta città .

te fanno credere c''a colpa è d''a camorra
c''a ggente nun fatica e sona 'a tammorra
ca perde tiempo , è sfaticata ,
è furba, intelligente, è maltrattata; 
'a 'stu mumento 'o ttuòrte 'o ttène 'o primmo cittadino.
accussì va' raccuntanno 'o pulitico malandrino :
..c''a jettàte Napule int''e schifezze....
lassanno p''e strate muntagne 'e munnezze .
'a verità è una sola e lascia speranza:
fanno jucà persone cu'a famme e 'gnuranza
gente fàuze e ca tene interesse
p'acchiappà 'o voto e te fanno fesse . 
ca pensa agli affari solo pe' loro
strafuttennese 'e Napule città tesoro ,
riccha 'e storia, cultura , paesaggi 'e pataterno ,
civile e cu nu core ospitale e fraterno.
basta ! cu 'sta finta generosità . 
chi all'Italia nun ce tene e vo' fottere 'a città.
'mpustate e' piede'nterra e mustrate 'a dignità,
nun facite 'e strunze , mettite 'e cerevelle,
faticate 'nzieme e fernite 'a jacuvèlle,
rispunnite : Napule è nnòsta!  stà int'o core
e no ad arcore e dint''a 'ggente 'e fore.