'Nu murzillo

'Nu murzillo
me s'è fermato 'nganno
madònne! sto affuganno!
mo moro!
che me succede?
addò vaco a fernì?
...addò può gghì,
a nisciuna parte.
sì sempe stato ccà
comme è state ccà
'o pàto 'e pàteto
'o pàto d''o pàto 'e pàteto
'o figlio d''o figlio tujo
nun se more
nun fernesce niente
pecchè 'a vita è 'nu mumento
pe' cuntinuà
..e mentre penzav' a chesta cosa
'nu colp' adderète 'e rine
fà scènnere 'o murzillo
e cu 'na voce arzilla
dicetto:
overo ca sto ccà.