'a bulletta

me songo jucato 'na bulletta
'a miseria 'e botto me fernetta
jucàie tre sòrde e aggiù pigliato assaje.
Rummanetto 'e stucco: io Peppe? e chi l'a visto maje?
se pò vèncere cu poco a chist' azzardo
basta ca 'ngarre 'o goll senza  ca 'o gvuarde.
Curretto  a' casa a dda' 'a nutizia alla famiglia
e 'a reazione me lassaje scurcentato 'e meraviglia.
Non appena ca dicetto,
aggiu pigliato 'na bulletta,
fràtemo alluccaje comme 'nu pazzo :
he tenuto 'stu madonne 'e mazzo
e senza manco 'e vedè si era overo
era cuntento 'e nun cammenà cchiù a pède
màmmema dicette: puòse ccà 'e denare
pecchè sòreta si deve maritare
e 'a copp'a mano pàtemo mi disse
nun 'e ddà rette: e pe' campà sul'isso
penzànno 'e sòrde 'e mmerde d''a pensione
vulev'a bulletta pe' vivere 'a signore.
Mentre succedeva 'stu burdello
'a bulletta vulaje int'a caccavella
e tutta 'nfosa pe' ll''asciuttà 'o vrasiero
s'appicciàje e se facette cènnere
e io rumanetto 'nu povero cristo comme ajèro.
'o vero 'a bulletta fa cagnà
ma 'a vita toja si tu a cumannà.