fayah

Tengo 'nu figlio capatosta
ca fa sempe chello ca 'inte 'e cchiocche 'mposta.
Mo s'è miso 'ncapa 'e fa l'attore
a pigliate armi e bagali e con furore
si è presentato a Parigi a 'na scola di recitazione.
O' masto all'esame le dicette:
uagliò, famme 'o purpo int'a cascetta
e isso cu 'na faccia tosta s'jettaie 'nterra
arravugliannese comma 'na serpe int'a 'na serra
muveva 'e bracce 'e cosce e pulezzaje pe' terra.
Rideva 'o masto e mentre rideva le chiedette:
e mo famme 'a lumaca ca beve,
che razza d'animale penzaie l'allievo,
ma senza perdere anema e curaggio
sagliette 'ncoppa a 'na grossa seggia
s'ajzaie, s'allungaie facenno 'e corne e 'a sputazzella
e accussì superaie 'n'ata prova miezo a' jacuvella.
Steva murenno 'e resate 'o masto 'e scola,
nun ce 'a  faceva cchiù rideva sulo
e ca panza mmano : mo famme Amleto!
Fayah 'o zumpaie 'ncuollo e 'o pigliaie 'a capa mmano
"essere o non essere" disse con voce determinata
chisto è 'o problema si nun me pigliate.
'O facettono firmà sùbbeto.